Veiðar á íslenskri sumargotssíld, löngu og keilu IRF vottaðar eftir staðli Ábyrgra fiskveiða
Þann 23. ágúst sl. staðfesti vottunarnefnd SAI Global fullnaðarvottun veiða eftirfarandi fiskistofna innan íslenskrar lögsögu eftir úttekt samkvæmt fiskveiðistjórnunarstaðli Ábyrgra fiskveiða (IRF):
- Löngu (Molva molva)
- Keilu (Brosme brosme)
- Íslenskri sumargotssíld (Clupea harengus)
Vottunarnefnd SAI Global samþykkti tillögu úttektarteymisins um fullnaðarvottun eftir ítarlega skoðun á vottunarskýrslum fyrir ofangreindar veiðar. Úttekt veiðanna tók 12 mánuði og fól í sér heimsóknir úttektarteymis, visindalegt mat á ástandi veiðistofnanna ásamt úttekt á stjórnun veiðanna. Vottunarskýrslurnar voru rýndar af óháðum vísindamönnum (peer reviwers).
IRFM staðallinn sem vottað er eftir byggir efnislega á samþykktum Matvæla- og landbúnaðarstofnunar Sameinuðu þjóðanna (FAO) og er ISO faggildur. Óháð mat vottunarstofunnar var unnið eftir ISO17065 faggiltu kerfi Global Trust/SAI Global og veitir trúverðuga vottun þriðja aðila á ábyrgri fiskveiðistjórnun.
Vottunarskýrslan fyrir íslenska sumargotssíld er aðgengileg hér
Vorttunarskýrsla fyrir löngu er aðgengileg hér
Vorttunarskýrsla fyrir keilu er aðgengileg hér
Nánari upplýsingar um vottunina veitir Finnur Garðarsson, finnur@irff.is